पुन्हा एकदा तेच
तेच गप्प रहाणे
तेच मान झुकवणे
डोळे गच्च मिटुन
सारे कढ पिणे
तेच शुन्यात हरवणे
तेच रात्र जागवणे
शब्द ओठी गिळुन
अबोलीगत उमलणे
तेच जोखड वहाणे
तेच धीमे चालणे
मुक्याचा मार सहत
पोळा साजरा करणे
तेच दिवस घालवणे
तेच कट्टे सजवणे
वेळ जात नाही म्हणून
उंबरठे झिजवणे
तेच पुन्हा वाचणे
तेच सारे लिहिणे
त्याच त्या शब्दांना
कविता म्हणुन मिरवणे
No comments:
Post a Comment