आज जरा पावसाने दडी मारली
सूर्यदर्शन झालं नाहीच
पण उकाड्याने त्याच्या
अस्तित्वाची जाणीव करून दिली
                             

                                     

इकडचं तिकडचं बोलत
व्हाटसप वर टीपी करण्याचा आटोकाट प्रयत्न केला
तरीही मनाला आलेली मरगळ
तशीच चिकटून राहिली

ठरवून टाकलं विचार करायचा नाही
मग हटकून सगळ्या प्रॉब्लेम्सनी समोर हजेरी लावली
त्यांच्या गर्दीत वेळ कधी गेला
कळलंच नाही
तेवढाच एक दिवस ढकलला गेला

रविवार आला ! विश्वास नाही बसत
दुपारी ताणून देतेय तोच अर्धा संपला
रात्रही  जरा छोटीच होती
थोडा रेंगाळला असता रविवार
तर काही बिघडलं असतं

हे असंच असतं ना आपलं
आठवड्याभराचं टाइमटेबल
दिवस वर खाली सरकवत
रुटीन ब्रेक करायला हवंय
थोडासा इंटरेस्ट मिक्स करत 
चेंज म्हणून तरी

----- वैभवी भिडे 

 

21 July 2014